Ami bá pasiar iha Sentru Komersiál ida. Sentru Komersiál hanesan uma boboot ne'ebé iha loja barabarak iha laran. Loja mesak moos no kabeer no fa'an sasán barak ita labele sura. Ha'u-nia la'en dehan katak ne'e aumenta konsumizmu, katak ema ka'an atu sosa sasán barak tanba buat hotu-hotu kapás hanesan ne'e iha sira-nia matan nia oin. Balu sosa ho kréditu i depois sira tusan osan barak.
Atu sa'e husi andár kraik ba andár leten ita sa'e eskada. La'ós! Ita la sa'e eskada, eskada maka sa'e mesak. Ita “tama” no eskada nakduir lori ita ba leten ka ba kraik. Bainhira ha'u foin tau ha'u-nia ain iha ne'ebá ha'u para ta'uk! Ha'u tenke kaer didi'ak ba JP atu la monu. Nia hamnasa no hanorin ha'u tau ain metin iha degrau nia klaran atu la sidi.
Bali, 28 Maiu 2007
Sem comentários:
Enviar um comentário