Ami han-kalan iha restaurante ida no ha'u-nia la'en hameno no han manduku nia ain sona. Ha'u hakribit hahán eskizitu hanesan ne'e maibé JP dehan katak ita tenke la'o lemo rain ho neon nakloke no prontu atu han buat hirak-ne'ebé ema rain-na'in mós toman han. Tanba ne'e maka nia han bakso ho ha'u iha warung iha Timór, no han supermi, halo mana sira serbisu iha fatin sira-ne'e hakfodak no husu: “Malae hatene han ita-nia hahán sira-ne'e?”
Nia mós dehan katak iha Portugál ema han fehuk-ropa mak barak. Ha'u sente ha'u sei iha saudades ba ita-nia etu.
Bali, 28 Maiu 2007
Sem comentários:
Enviar um comentário