Bainhira ami liu husi Bali ha'u sosa vestidu-mamán no faru balu. Ha'u-nia la'en fó sujestaun ha'u hola faru ho liman naruk, maibé ha'u dehan “Lae! Ha'u la gosta faru hanesan ne'e.” Afinál ha'u to'o iha-ne'e no ha'u-nia roupa hotu mihis no halo ha'u malirin to'o la bele tahan. Iha primeiru dia ha'u-nia kuñada fó-empresta ninia roupa mahar isin-rua nian balu mai ha'u. Roupa balu kómiku liu, iha meias naruk ne'ebé hatais mós to'o kanotak ho fatin luan atu tau kabun isin-rua iha hena laran. Iha mós sinta ho hena luan iha oin atu kabun la tabele ba oin. Sira dehan katak hanesan ne'e prevene riska barak mosu iha feto nia kabun-kulit liutiha partu.
Íllavu, 2 Juñu 2007
Sem comentários:
Enviar um comentário